Павлодар облысының Баянауыл ауданында табиғи өртті сөндіру және оның салдарын жою жұмыстары жалғасып жатыр, деп хабарлайды inbusiness.kz сайты.
Төтенше жағдайлар министрлігінің "Қазавиақұтқару" АҚ тікұшағымен өрт аумағына 5 рет су тасталды. Сонымен қатар өрт ошағының периметрі бойынша минералдандырылған жолақ жүргізілуде.
Қолда бар күштер мен құралдардың көмегімен үш бөлек учаскедегі өрт ошақтарын сөндіру жұмыстары жүргізіліп жатыр.
Өртті жоюға барлығы 84 адам мен 32 техника, оның ішінде 2 әуе кемесі жұмылдырылған.
Бұған дейін Павлодар облысында Баянауыл ұлттық паркіне өрт қаупі төніп тұрғанын жазған едік.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
