Зерттеуге мемлекеттік органдар мен "Азаматтарға арналған үкімет" корпорациясы көрсететін 70 қызметтің сапасы мен қолжетімділігіне қатысты халықтың пікірлері мен ұсыныстары негіз болған, деп хабарлайды inbusiness.kz тілшісі energyprom.kz-ке сілтеме жасап.
Осылайша мемлекеттік органдарға жүгінгендердің 56,9%-ы қызметтерді орыс тілінде, 43,1%-ы қазақ тілінде алған.
Аймақтар бойынша Солтүстік Қазақстан облысында мемлекеттік қызметтерді алу кезінде орыс тілі жиі қолданылды: респонденттердің 91,5% осылай жауап берген. Қостанай (85,3%), Павлодар (85,1%) және Ақмола (82,2%) облыстары мемлекеттік қызметтерді алуда ұларалық тілді таңдаған.
Сонымен қатар елордадағы көрсеткіштер 72,7%, Алматы (71%), Қарағанды (67,1%), Шығыс Қазақстан (67,1%) және Батыс Қазақстан (54,8%) облыстарында да аталмыш статистика жоғары.
Мемлекеттік қызметтерді алу кезінде Түркістан (85,6%), Қызылорда (80,2%) және Атырау (78%) облыстарының тұрғындары басымдық берген.
Осылайша, елдің солтүстік, шығыс және орталық аймақтарында мемлекеттік қызметтерді орыс тілінде алса, Оңтүстік және батыс аймақтарда мемлекеттік тілге иек артқан.
