Шымкенттегі жеңіл атлетика спорт кешенінде қазақ күресінен даңқты балуан, қазақ даласының батыры, күш атасы Қажымұқан Мұңайтпасұлы атындағы халықаралық турнир басталды, деп хабарлайды prosports.kz.
Бес мемлекеттен келген 200-ден астам балуан бас жүлдеге тігілген темір тұлпарды сарапқа салады.
Жарысқа Ресей, Тәжікстан, Қырғызстан, Өзбекстан және Қазақстаннан ең таңдаулы деген балуандар шақырылды. Сонымен қатар, "Қазақстан барысына" қатысып, жүлде алған бес балуан да боз кілемде белдеседі. Олардың арасында Ұлан Рысқұл, Мұхит Тұрсынов, Жұманазар Ерсұлтанов сынды атақты спортшылар да бар. Турнирдің түйе балуанына батырдың жатқан жері, Ордабасы ауданының әкімі Рашид Қайыпжанов темір тұлпар тікті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
