Экс-министр Қуандық Бишімбаев әйелі Салтанат Нүкенова қайтыс болған түн туралы айтты, деп хабарлайды inbusiness.kz сайты.
"Ол маған қарама-қарсы отырды. Менің көзімше неке жүзігін, сағатын, білезіктерін шеше бастады да, дәретханаға лақтырып тастады. Бәрін махаббатпен сыйлағанмын. Мен таңғалдым, сөйлей алмай қалдым. Не істерімді білмедім. "Мен ішетін бірдеңе әкелейін" деп дәретханадан шықтым. "Иә, алып кел" деді. ...", деді ол.
Оның сөзінше, Бишімбаев қайтып келгенде Нүкенова есікті іштен жауып, ашпай қойған.
"Қайтып келгенде Салтанат есікті іштен жауып алды, соққының дауыстары естіліп жатты. Мен есікті қаға бастадым. "Салта, Салта, аш" дедім. Ол естімеген болуы керек. Мен есікті соға бастадым. Ол жүгіріп келіп, есікті қағып жатқанымды естіп, мені балағаттай бастады. "Сен мені осындай күйге жеткіздің" деді. Мен түсінбедім. Мен штативті алып, есікті ұра бастадым. Содан кейін есікте тесік пайда болды, содан кейін есікті іштен ашты. Ол мені балағаттай бастады, мен де оны боқтадым. Сөйтіп, жанжал басталды, ол менің көйлегімді жыртып жіберді, мен оны ұстап, қабырғаға итеріп жібердім. "Сабыр сақта" дедім. Ол маған тағы келе жатқанда мен де оның жейдесін жыртып тастадым. Ол ашуланды. Жейдесін шешіп тастады. Оның үстіндегі киімнің бәрі 8-інде түс кезінде концертке барар алдында сатып алынған еді. Маған лақтыра бастады. Мен оны шапалақпен ұрып жібердім, ол кейін шегінді. Бәрі тез болды. Ол "шалбарымды шешемін" деді. Мен оны ұстап алдым", - деді Бишімбаев.
