Оның айтуынша, құжаттарды қабылдау 1 сәуірден 1 тамызға дейін жүргізіледі.
"Осы уақытта балаларын бірінші сыныпқа бергісі келетін ата-аналар құжаттарын тапсыра алады. Бірінші сыныпқа толық 6 жасқа толған балалар қабылданады. Құжаттарды қабылдау электронды үкімет порталы арқылы жүргізіледі", - деді Шолпан Каринова орталық коммуникациялар қызметінде өткен баспасөз мәслихатында.
Ол мектепке қабылдау барысында білім беру ұйымдарына оқуға қабылдау қағидаттарына сәйкес емес құжаттарды талап етуге болмайтынын жеткізді.
"Мұнда тек 4 құжатты қабылдау қарастырылған: әр ата-анананың жеке өтініші, оқушының жеке басының куәлігі, медициналық паспорты, фото (3х4 көлеміндегі 2 фото). Ата-аналар тек осы құжаттарды порталға тапсыруы керек", - деді министрдің орынбасары.
Айта кетейік, осыған дейін Білім және ғылым вице-министрі Шолпан Каринова IV тоқсанда қазақстандық оқушылар қалай оқитынын айтқан еді.
Дәурен Ерболат
