Батыс Қазақстан облысында көлік апатынан 4 адам көз жұмды, деп хабарлады облыстық ПД баспасөз қызметі.
Қайғылы оқиға 22 қыркүйекте сағат 12:00 шамасында "Орал-Кирсанов" тасжолында болған.
"ВАЗ-2112" және Lada Granta бетпе-бет соқтығысқан. Салдарынан екі көліктің жүргізушілері және Lada Granta-дағы 2 жолаушы, барлығы 4 адам оқиға орнында жан тапсырған. Lada Granta көлігінде отырған тағы бір жолаушы ауруханаға жатқызылды, - деп жазылған хабарламада.
Тіркелген дерек негізінде Қылмыстық кодекстің 345-бабы 4-бөлігі ("Көлiк басқаратын адамдардың жол жүрісі немесе көлiк құралдарын пайдалану қағидаларын бұзуы") бойынша сотқа дейінгі тергеу басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
