Бүгін Данияр Елеусіновтің 20 тәулікке әкімшілік қамауға алынып, 7 жылға жүргізуші куәлігінен айырылғаны белгілі болды, деп хабарлайды inbusiness.kz сайты.
Астананың әкімшілік құқық бұзушылықтар жөніндегі мамандандырылған ауданаралық сотының дерегінше, ол алкогольдік масаң күйде Toyota Land Cruiser көлігін тізгіндеп, қала көшелерінде 3 жол-көлік оқиғасын жасаған.
– Сотта құқық бұзушы өз кінәсін толық мойындады. Осыған байланысты сот оған Әкімшілік құқық бұзушылық туралы кодекстің 608-бабының 3-бөлігі бойынша 20 тәулікке әкімшілік қамау және 7 жыл мерзімге көлік құралын басқару құқығынан айыру жазасын тағайындады, – делінген хабарламада.
Сот қаулысы әзірге заңды күшіне енбеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
