2020 жылдың соңына дейін Brent сұрыпты мұнай баррелінің құны 40 долларға дейін қымбаттайды. 18 мамырда Орталық коммуникациялар алаңында өткен онлайн брифингте Энергетика вице-министрі Әсет Мағауов осылай деді.
"Биылғы жылдың үшінші тоқсанында Brent бағасы 30-35 доллар айналасында құбылады. Өндірісті қысқарту және сұранысты қалпына келтіруге қатысты тиісті шаралар қабылданса, жыл соңында оның құны 40 долларға дейін жетуі тиіс", – деді Мағауов.
Соңғы мәлімет бойынша, бүгін Brent сұрыпты мұнайдың шілде айындағы баррелінің құны 1,6%-ға қымбаттап, 33 доллардан асты. Ал WTI баррелінің бағасы сауда қорытындысы бойынша 1,76%-ға өсіп, шамамен 30 долларға жетті.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
