Қытайда импорт көлемі артқаннан кейін, эталон сұрыпты мұнай құны сәл қымбаттады, деп хабарлайды Inbusiness.kz порталы Reuters агенттігіне сілтеме жасап.
Сонымен қатар шикізат нарығына Таяу Шығыстағы шиеленіс те әсер етіп отыр. Хуситтер Сауд Арабиясының мұнай нысандарына зымырандар ұшырғанын хабарлаған болатын.
Ресми дерек бойынша, Brent сұрыпты мұнай фьючерстері 0,38%-ға қымбаттап, 63,52 доллар болды. WTI сұрыпты мұнай бағасы 0,35%-ға артып, бір баррелі 69,91 долларға саудаланып жатыр.
Наурызда Қытай экспортының көлемі күрт өсті. Импорт та соңғы төрт жылдағы ең жоғары деңгейге жеткен. Өткен айда Қытайға импортталатын мұнай көлемі 21%-ға өсті.
Кей сарапшылардың болжамына сенсек, АҚШ-тағы мұнай қоры азайып, бензин мен дистиллят қоры артуы мүмкін.
Табиғат Нұрболат
