АҚШ-тың мұнай институты өткен аптада елдегі қор көлемі айтарлықтай төмендегенін жариялағаннан кейін, 16 маусымда мұнай бағасы көтерілді, деп хабарлайды Inbusiness.kz Investing.com сайтына сілтеме жасап.
Brent сұрыпты мұнай бағасы 0,84%-ға көтеріліп,74,61 доллар болды. WTI фьючерстері 0,73%-ға қымбаттап, бір баррелі 72,65 долларға саудаланып жатыр.
API дерегі бойынша, АҚШ-тағы мұнай қоры 8,5 миллион баррельге төмендеген. Егер деректер ресми түрде расталса, бұл қаңтар айынан бергі ең максималды көрсеткіш болмақ. Елдегі бензин қоры 2,9 миллион баррельге, дистилляттар 2 миллион баррельге артты.
Осы айда мұнай бағасының өсуіне әлемнің бірқатар еліндегі карантин шараларының қысқартылуы түрткі болды. Шикізат трейдерлері "қара алтынның" бағасы 100 долларға дейін өсуі мүмкін деген пікірде.
Табиғат Нұрболат
