RU KZ
Brent баррелінің бағасы арзандап жатыр

Brent баррелінің бағасы арзандап жатыр

21 Сәуір 2021 15:10 262

Brent баррелінің бағасы арзандап жатыр

Фото: reuters.com

Өткен аптада АҚШ-тағы мұнай мен дистилляттардың қоры артты.

Эталон сұрыпты мұнай бағасы арзандады, деп хабарлайды Inbusiness.kz Reuters агенттігіне сілтеме жасап.

Мамандардың айтуынша, бұған Үндістанда індеттің жаңа толқыны басталып, артынан сұраныс азаяды деген болжамдар себеп болған. 

Brent сұрыпты мұнай бағасы 0,57%-ға төмендеп, 66,19 доллар болды. WTI баррелінің құны 0,64%-ға арзандап, қазір 62,27 долларға саудаланып жатыр. 

«Үндістан мұнай импорттаушы алпауыттардың қатарында. Сондықтан вирустың таралуын болдырмауға бағытталған шектеулер сұранысқа кері әсерін тигізеді», – деді Kotak Securities сарапшысы Равиндра Рао.

Мұнай нарығына тағы бір фактор кері ықпалын тигізіп отыр. Өткен аптада АҚШ-тағы мұнай мен дистилляттардың қоры туралы мәлімет жарияланды. Бұл елде мұнай қоры 436 мың баррельге, дистилляттар қоры  655 мың баррельге артты.

Табиғат Нұрболат

Ұқсас материалдар:

×