Жұма күні таңертең мұнайдың әлемдік бағасы төмендеді, деп жазады inbusiness.kz Интерфакс-Қазақстанға сілтеме жасап.
Лондондағы ICE Futures биржасында Brent маркалы мұнайдың қыркүйек айындағы фьючерстерінің бағасы Мәскеу уақытымен сағат 08:01-де барреліне 83,75 доллар болды. Бұл алдыңғы сессияның жабылу бағасынан 49 центке төмен. Бейсенбі күні бұл келісімшарттар 1,32 долларға қымбаттады. (баррель үшін 84,24 долларға дейін).
Нью-Йорк тауар биржасының электрондық сауда-саттығында WTI сұрыпты мұнайдың қыркүйек айындағы фьючерстерінің құны барреліне 37 центке (0,46%) төмендеп, 79,72 долларды құрады. Алдыңғы сессияның қорытындысына қарағанда бұл 1,31 долларға артық.
Айта кету керек, сарапшылар Brent маркалы мұнай келер жылы қымбаттайтынын мәлімдеген болатын.
