Қазір шикізат нарығына екі триггер оң әсерін тигізуде отыр. Бірі – америкалық мұнай қорының азаюы. Екіншісі – ОПЕК+ кездесуі.
Bloomberg агенттігінің соңғы дерегі бойынша, Лондондағы ICE Futures биржасында 2019 жылдың қаңтарындағы жеткізіліммен Brent сұрыпты мұнай фьючерсі 18 центке қымбаттап, баррелі 63,18 доллар болды.
Ал Лондон және Нью-Йорк биржаларында қаңтардағы жеткізіліммен, электрондық сауда барысында WTI маркалы жеңіл мұнай фьючерстері 6 центке арзандап, барреліне 58,37 долларды құрады.
AxiTrader стратегі Стивен Иннестің айтуынша, АҚШ пен Қытай жақын арада бір-біріне салған салықтың күшін жоюы мүмкін. Бұл өз кезегінде "қара алтын" бағасының көтерілуіне түрткі болады.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
