2023 жылдың қорытындысы бойынша 1 млрд теңгеден астам сомаға тұтынушылардың құқығы қорғалды. Бұл туралы Тұтынушылардың құқықтарын қорғау комитетінің төрағасы Асқар Тынысбеков айтты, деп хабарлайды inbusiness.kz сайты.
Ақпаратқа сәйкес, негізінен өтініштер еОtinish-тің жедел желісіне (23,7%), телеграм-ботына (14,3%) келіп түседі.
“Өтініштердің 43,3%-ын қарау нәтижесінде тұтынушыларға құқықтық көмек көрсетіліп, 37,5% жағдайда тұтынушылардың талабы қанағаттандырылды. Тағы 17,4%-ы бірлескен жұмыс үшін бейінді мемлекеттік органдарға жіберілді. Өтініштердің 1,2%-ы ғана талап-арызға жатады. Қабылданған шаралардың нәтижесінде 63 бизнес субъектісі әкімшілік жауапкершілікке тартылып, 4,7 млн теңгеге айыппұл салынды. Тағы 618 бизнес иесіне ескерту берілді”, - деді спикер.
Бұдан басқа өткен жылдың қорытындысы бойынша 1 млрд теңгеден сомаға тұтынушылардың құқығы қорғалды.
Айта кету керек, осыған дейін тұтынушылар қай мәселелерге жиі шағымданатынын жазған болатынбыз.
