Солтүстік Қазақстан облысының прокурорлары денсаулық сақтау саласына талдау жүргізіп, өрескел заң бұзушылыққа жол берілгенін анықтады, деп хабарлайды inbusiness.kz сайты.
Мәселен, онкологиялық дертке шалдыққандардың құқығы бұзылған. СҚО прокуратурасының мәліметінше, медициналық ұйымдар Әлеуметтік кодекстің талаптарына қайшы, мүгедектікті анықтау үшін осы санаттағы 100-ден астам азаматты медициналық-әлеуметтік сараптамаға жібермеген.
Қадағалау органының актісінен кейін бұл азаматтарға мүгедектік белгіленді, енді олардың әлеуметтік қолдаудың барлық тиісті түрлерін пайдаланып, мемлекеттік әлеуметтік жәрдемақы алуға мүмкіндігі бар.
Заң бұзғаны үшін 2 лауазымды тұлға жауапкершілікке тартылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
