Үкімет отырысында ұлттық экономика министрі Руслан Дәленов қаңтар, сәуір айларындағы әлеуметтік-экономикалық даму қорытындысы бойынша баяндама жасады.
Министр осыған дейін өткен 4 айда құрылыс қарқыны 5,5% ұлғайғанын жариялады.
"Түркістан, Қарағанды облыстарында құрылыс ерекше қарқынмен жүріп жатыр. Ал Ақтөбе, Қызылорда облыстары мен Нұр-Сұлтан, Шымкент қалаларында керісінше, көрсеткіш төмендеп кетті", – деді министр.
Оның айтуынша, тұрғын үйлерді қолданысқа беру бойынша 10 өңірде оң нәтиже байқалады.
"Жыл басынан бері 3,1 млн шаршы метр тұрғын үй пайдалануға берілді. Мұнда 10 өңір өсім көрсетті. Алматы, Жамбыл облыстарында жоғары өсу қарқыны тіркелді", – деді Руслан Дәленов.
Қанат Махамбет