"Республикада халықты вакцинациялау және ревакцинациялау жалғасуда. Бүгінде КВИ-ге қарсы вакцинациямен ересек тұрғындардың шамамен 81,1%-ы немесе ел тұрғындарының 57%-дан астамы қамтылды. Бастапқы ревакцинациядан 5,7 млн адам, қайта ревакцинациядан 1,2 млн адам өтті", - деп атап өтті вице-министр Орталық коммуникациялар қызметінде өткен брифингте.
Ведомство өкілінің сөзінше, тәулігіне орта есеппен бірінші ревакцинациядан – 2600 адам, қайта ревакцинациядан – 4300 адам, коронавирустық инфекцияға қарсы вакцинациядан 120 адам өтеді.
"Қазіргі таңда елімізде QazVac, Sinofarm және Pfizer вакциналары қолжетімді. Атап айтқанда, QazVac – 98 мың доза, Sinofarm – 306 мың доза, Pfizer – 71 мың доза", - деді Айжан Есмағамбетова.
Еске салайық, осыған дейін желтоқсан айында коронавирустық инфекциядан 4 науқас қайтыс болғанын жазған болатынбыз.
