Оның айтуынша, қазіргі таңда мәдениет қызметкерлері өте төмен жалақы алып отыр.
"Сізге (премьер-министрдің орынбасары Ералы Тоғжановқа – автор) өтінішім бар. Елімізде білім және денсаулық саласындағы мамандардың жалақысы жоғары. Оны барлығымыз білеміз. Алайда мәдениет саласындағы қызметкерлердің жалақысы өте төмен. Бұл мәселе шешілмеген күйде қалып отыр", - деді ол мәдениет және спорт министрлігінің кеңейтілген алқа мәжілісінде.
Сонымен қатар Светлана Иманқұлова еліміздегі базалық жалақыны 17 697 теңгеден 42 500 теңгеге дейін көтеруді ұсынды.
"2015 жылдың 15 желтоқсанда шыққан №1193 үкімет қаулысында базалық айлық жалақы 17 697 теңге шамасында деп көрсетілген. Осы базалық айлық жалақыны Қазақстандағы ең төменгі жалақы 42 500 теңгеге көтеруді сұраймын. Осыған сіз (премьер-министрдің орынбасары Ералы Тоғжановқа – автор) ықпал етіп, үкімет отырысында бұл мәселені көтерсеңіз", - деп түйіндеді сөзін ол.
Дәурен Ерболат
