2022 жылдың соңында онлайн және мобильді банкингтің белсенді пайдаланушыларының саны 22,9 миллионға жетті. Бұл 2021 жылмен салыстырғанда 20%-ға көп, деп жазады inbusiness.kz finprom.kz порталына сілтеме жасап.
Қазіргі таңда еліміздегі әрбір банктің мобильді қосымшасы бар.
Биылғы қаңтар-наурыз айларында қаржы секторындағы танымал Google Play мобильді қосымшаларының рейтингінде Kaspi.kz, Jusan (Jusan Bank) және Halyk Homebank (Halyk Bank) қосымшалары көш бастады.
2022 жылы қолма-қол ақшасыз операциялардың жалпы құрылымындағы онлайн-операциялардың үлесі саны бойынша 64,6%-ды, көлемі бойынша 82,5%-ды құрады. Күн сайын қазақстандықтар цифрлық банкинг арқылы 234,7 млрд теңгеден асатын сомаға орта есеппен 15,2 млн-нан астам операция жүргізген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
