Нұр-Сұлтан маңында жол апатынан полиция қызметкері қаза тапты, деп хабарлайды inbusiness.kz тілшісі қалалық полиция департаментінің баспасөз қызметіне сілтеме жасап.
Оқыс оқиға 5 шілде түнгі сағат 00.24-те Ақмола облысы Целиноград ауданы Қажымұқан ауылында болған.
"Lexus GS 300-ді басқарған 30 жастағы жүргізушісі көлік тізгініне ие бола алмай, көлік аударылған. Жол апаты салдарынан жүргізуші түрлі дене жарақатымен ауруханаға жатқызылды. Бұл факт Ақмола облысының полиция департаментінде тіркелді. Тергеу жүргізіліп жатыр", – деп жазылған хабарламада.
Нұр-Сұлтан қаласы полиция департаментінің мәліметінше, жол апатынан қаза тапқан полицей Сарыарқа ауданы ПБ Криминалды полиция бөлімі қылмыстық іздестіру бөлімінің басшысы қызметін атқарған. Lexus GS 300 көлігін де полиция қызметкері басқарған.
