Нұр-Сұлтанда автокөліктерді қыздыруға арналған электр бағандарының қосымша нүктелері орнатылады. Инновациялық жоба қала әкімдігінде талқыланды, деп хабарлайды әкімдіктің баспасөз қызметі.
АДБ есебінен жүзеге асатын мұндай жобалар қоршаған ортаға пайдалы: жағармай тұтыну мөлшері азайып, ауаға лас қалдықтардың залалы азаяды.
Технология 2 бөліктен тұрады: 1-бөлігі – электростанцияның өзі, 2-бөлігі – көлікте орнатылатын құрылғы. Сол құрылғы арқылы көлік электр бағанына қосылады.
Пилоттық жоба төменде көрсетілген тұрақ аймақтарында іске асырылады:
- "Нұрсая -2" тұрғын үй кешені (Мәңгілік Ел даңғ., 13);
- "Сарыарқа" ауданының әкімдігі (Сарыарқа даңғылы, 13);
- Есіл ауданының әкімдігі (Қабанбай батыр даңғылы, 33);
- "Toyota city" дилерлік компаниясы (Тұран даңғылы 76);
- "Қазақстан Темір Жолы" ҰК" АҚ филиалының "Ақмола магистралдық желі бөлімшесі" (Шынтас бұрылысы 1а).
