Елжан Біртанов: Министр лауазымынан босатуды Президенттен өзім сұрадым

1138

Бүгін Мемлекет басшысының Жарлығымен Елжан Біртанов Қазақстан Республикасының Денсаулық сақтау министрі қызметінен босатылып, оның орнына бүгін Алексей Цой тағайындалды.  

Елжан Біртанов: Министр лауазымынан босатуды Президенттен өзім сұрадым

Елжан Біртанов Мемлекет басшысынан Денсаулық сақтау министрі лауазымынан босатуды өтінгенін мәлім етті, деп хабарлайды ҚазАқпарат.

"Құрметті әріптестер мен достар! Бүгін мен Мемлекет басшысынан денсаулық сақтау министрі лауазымынан босатуды сұрадым. Өкінішке қарай, коронавирус инфекциясын жұқтырып алғаннан кейін ауру күрделі пневмонияға ұласып, қосымша ем-дом қабылдау қажеттігі туды", – деп жазды экс-министр Facebook парақшасында.

Оның жазуынша, қазіргі таңда елдегі эпидемиологиялық ахуалдың күрделенуіне байланысты саланы толыққанды басшы басқаруы керек.

"Министрлік деңгейінде де, аймақтар деңгейінде де солай есептеймін. Біздің денсаулық сақтау жүйесі түскен жүктемені еңсеретініне сенімдімін. Оған уақыт және әрбіріміздің күш-жігеріміз керек. Өз әріптестерімнің бәріне денсаулық пен табандылық тілеймін", – дейді Елжан Біртанов.

Жазба соңында Елжан Біртанов Қазақстанның денсаулық сақтау саласын дамытуға үлес қосуға мүмкіндік беріп, сенім білдірген Мемлекет басшысына алғысын айтты.

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу