Бұл туралы Ашхабадта өткен "Түрікменстан және ЕО: 30 жылдық ынтымақтастық" халықаралық конференциясында сөйлеген сөзінде Еуроодақтың Орталық Азия бойынша арнайы өкілі Тери Хакала мәлімдеді, деп жазады Inbusiness.kz сайты.
"ЕО Орталық Азия аймағында өте күшті. Біздің мақсатымыз — осы елдердің дамуы мен әл-ауқатына әрі тұрақтылығына оң ықпал ету. Алдағы 30 жылда біз осы елдер мен ЕО игілігі үшін Түркіменстанда да, басқа да Орталық Азия серіктес елдерінде де жұмысты жалғастыруды жоспарлап отырмыз", — деді ол.
ЕО өкілі Еуропа үшін Транскаспий көлік дәлізін салу маңызды екенін еске салды, бұл туралы осы жылдың қаңтарында Брюссельде өткен ЕО-Орталық Азия көлік инвестициялық форумында айтылды.
"Қаңтарда ЕО инвестициялық форум ұйымдастырды, сонымен қатар наурыз айында сауда қатынастарын кеңейтуге, өз қызметіне көбірек адамдарды қосуға көмектесетін Транскаспий дәлізі жобасына ЕО тарапынан 10 миллиард доллар бөлуге байланысты біздің міндеттемелеріміз туралы пікірталастар болды. Бұл тек көлік дәлізін ғана емес, сонымен бірге энергетикалық дәлізді де кеңейтуге ықпал етеді", - деді ол бұл туралы.
"Валдай" клубының IV Орталық Азия конференциясының ашылу қарсаңында Ресей Сыртқы істер министрінің орынбасары Михаил Галузин Орталық Азия бойынша Батыстың мақсаты — бар ресурстар мен логистикалық бағыттарды игеру деп мәлімдегенін еске саламыз.
Өз кезегінде, Қазақстанның саяси ғылымдар докторы Болат Сұлтанов ұжымдық Батыстың көшбасшылары ЕО-ның басты мақсаттардың бірі — Ресейді Орталық Азиядан ығыстыру және аймақтың Ресейге қарсы санкцияларға
қосылуы екенін жасырмайтынын мәлімдеді.
"Яғни, Ресеймен шектесетін Қазақстан көпір емес, қабырға болуы керек", - деді ол.
