2021 жылдың басында Еуропаны коронавирус пандемиясының үшінші толқыны шарпуы мүмкін. Оны болдырмас үшін елдер вируспен күрес жүргізудің жүйесін енгізуге тиіс. Дүниежүзілік денсаулық сақтау ұйымының мамандары осылай деп отыр.
"Еуропа індеттің бірінші толқыны кезінде вирусты ауыздықтай алмады. Ал қазір екінші толқын өршіп жатыр. Егер олар бірлесе ортақ инфрақұрылым енгізбесе, келесі жылдың басында індеттің үшінші толқыны басталады", – дейді ұйым өкілдері.
ДДСҰ дерегіне сүйенсек, басқа өңірлермен салыстырғанда Еуропада вирус жұқтырғандар саны басым. Өткен аптада жалпы науқастардың 46%-ы мен қаза тапқандардың 49%-ы еуропалық елдерге тиесілі екені тіркелді. Десе де карантин шараларының арқасында ауруға шалдығу көрсеткіші 10%-ға төмендеген.
Табиғат Нұрболат
