Қажет болған жағдайда билік Финляндиядағы ресейліктер сатып алған мүлікті иеліктен шығара алады, деп мәлімдеді елдің қорғаныс министрі Антти Кайкконен Aamulehti газетіне берген сұхбатында.
"Қауіп төнген жағдайда, қолда қажетті дәйектер болса, әрине, мұндай шешім шығаруымыз әбден мүмкін. Оның жолы қарастырылып қойған", – деп түсіндірді Кайкконен.
Алайда ведомство басшысы "бұл шешім нақты қазір қарастырылып жатыр ма?" деген сұраққа жауап бере алмады.
"Енді оны нақты айта алмаймын, бірақ сатып алуда құқықтық басымдылық қолданылғанын растай аламын", – деп атап өтті Финляндия Қорғаныс министрлігінің басшысы.
Соған қарамастан, Кайкконен ресейліктердің елдегі жылжымайтын мүлікке қатысты барлық мәмілелері "қауіпсіздікке қауіп төндірмейді" деп қосты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
