Сәрсенбіде үй қамауына алынған Габон президенті Али Бонго әскери офицерлер билікті басып алды деп мәлімдегеннен кейін интернетте кеңінен таралған видеода халықаралық қауымдастықтан оны және оның отбасын қолдау үшін "шу шығаруға" үгіттейді, деп жазады Inbusiness.kz.
Bongo-мен оның сайлау науқанында тығыз жұмыс істеген PR фирмасы BTP Advisor видеоның түпнұсқалығын растап отыр.
"Мұндағы адамдар мені және менің отбасымды тұтқында ұстап отыр. Менің ұлым бір жерде, әйелім басқа жерде... Дәл қазір мен резиденциядамын, мұнда әзірге тыныш. Ал сыртта не болып жатқанынан хабарым жоқ", — деді Бонго ағылшын тілінде.
Видеода президенттің дені сау, ешқандай жарақат белгілері көрінбейді, киімі түзу. Ол сабырлы сөйлеп, ұтымды сөздер іздегендей болды.
Жақында әскери офицерлер Ұлттық теледидардан Қарулы Күштер бақылауға алып, Бонгоны үй қамағына алғанын хабарлады. Офицерлердің айтуынша, оның ұлы, Нуреддин Бонго Валентин, және басқалары да қамауға алынғанын жеткізді.
Егер төңкеріс сәтті болса, Габондағы көтеріліс 2020 жылдан бастап Батыс және Орталық Африкада сегізінші болады және Бонго отбасының 56 жылдық билігін тоқтатады.
Еске салайық, бұған дейін Африканың тағы бір елі Габонда әскерилер төңкеріс жасап, билікті басып алғанын жазған болатынбыз.
