Германия канцлері Фридрих Мерц Ресей мен Украина президенттері арасындағы кездесу болмауы мүмкін екенін мәлімдеді, деп хабарлайды inbusiness.kz сайты.
Канцлер бұл жөнінде Франция президенті Эммануэль Макронмен бірге өткізген брифинг барысында айтты.
"Өткен аптада президент Трамп пен президент Путин кездескендей, Зеленский мен Путин арасында кездесу болмайтыны белгілі", – деді Фридрих Мерц.
Ол осы жағдай Украинадағы қақтығысты реттеу бойынша өтетін алдағы келіссөздерде ескерілуі тиіс деген пікірде.
"Біз барлығымыз бірге шеше алатын кейбір мәселелер бар. Өкінішке қарай, ол қатарда Ресей мен Украина арасындағы жалғасып жатқан қақтығыс та бар. Бүгін біз бұл мәселеге қайта оралуымыз қажет", – Германия канцлері.
18 тамызда Дональд Трамп Вашингтонда Украина президенті Владимир Зеленскиймен және Еуропа елдерінің басшыларымен кездесті. Кейін ол Владимир Путинмен телефон арқылы сөйлесті. Трамп Ресей – АҚШ – Украина форматында үшжақты келіссөз өтетіне сенім білдірген еді.
Айта кету керек, Зеленский мен Путин Түркияда кездесуі мүмкін екенін жаздық. Бұған дейін Украина басшысы ресейлік әріптесімен қай жақта кездескісі келетінін айтты.
