Гонконг Үкіметінің санақ және статистика департаментінің мәліметтеріне сәйкес, осы жылдың жеті айында Ресейден алтын импорты өткен жылдың сәйкес кезеңімен салыстырғанда 10 есе артқан, деп жазады inbusiness.kz.
Ресми ақпаратқа сәйкес, тамыз айында Гонконг Ресейден 6,96 миллиард Гонконг долларына (шамамен $892,3 миллион) алтын сатып алды, мұндай көрсеткіш соңғы 11 жылда бірінші рет тіркеліп отыр.
Гонконгқа жеткізілетін ресейлік алтын көлемі төртінші ай қатарынан 11 жылдық рекордты жаңартып келеді: мамырда олар шамамен 408,59 миллион долларды, маусымда — 485,9 миллион долларды, ал шілдеде — 747,44 миллион долларды құрады.
2022 жылдың қорытындысы бойынша Гонконг Ресейден 7,54 миллиард Гонконг долларына (шамамен $966,2 миллион) алтын сатып алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
