Наурыз мейрамы қарсаңында Ақсу горнизонының басшылығы азаматтық қорғаныс саласының ардагері Марат Сүлейменовке I дәрежелі "Мінсіз қызметі үшін" медалін табыстады, деп хабарлайды inbusiness.kz порталы Pavlodarnews.kz-ке сілтеме жасап.
Медаль оған департаменттің жеке құрамы мен ардагерлер кеңесінің атынан берілді.
Марат Сүлейменов – "Грэмми" сыйлығын алған қазақстандық музыкант Иманбек Зейкеновтің (DJ Imanbek) әкесі.
Қазір ол "Павлодар облысы бойынша төтенше жағдайдар департаментінің өрт сөндіру және апаттық-құтқару жұмыстарының қызметі" мекемесінде аға прапорщик болып жұмыс істейді.
Марат Сүлейменов бұл мекемеде 1996 жылдың 5 шілдесінен бастап істейді. Осы уақытқа дейін №11 өрт сөндіру қызметінде көлік жүргізушісі, аға жүргізуші болған.
Еске салайық, осыған дейін Иманбек Зейкенов (DJ Imanbek) америкалық рэпер SAINt JHN-ның Roses әніне ремикс жазып, "Грэмми" сыйлығын жеңіп алғаны хабарланған еді.
