Баннер втб
RU KZ
Интернет тартылмаған үйлер пайдалануға берілмейді – Бағдат Мусин

Интернет тартылмаған үйлер пайдалануға берілмейді – Бағдат Мусин

29 Қазан 2020 14:58 128

Интернет тартылмаған үйлер пайдалануға берілмейді – Бағдат Мусин
Цифрлық даму, инновациялар және аэроғарыш өнеркәсібі министрлігі мен Индустрия және инфрақұрылымдық даму министрлігі осындай келісімге келген. 

Цифрлық даму, инновациялар және аэроғарыш өнеркәсібі министрі Бағдат Мусин пандемия интернет сапасын қадағалаусыз қалдырмау қажеттігін көрсеткенін айтады. Сондықтан министр интернет сапасына қойылатын талаптар да күшейтілетінін жеткізді.

«Тұрғын үй кешендерін оптикалық арналарсыз пайдалануға беруге тыйым салынады. Бұл коммуникация желілері сияқты. Олар тартылмаған үйде тұрғындар тұрмайды. Сондықтан Индустрия және инфрақұрылымдық даму министрлігіне ұсыныс жасадық, нәтижесінде осындай келісімге келдік», – деді Бағдат Мусин.

Бұған қоса интернет сапасына қатысты мәселелерді шешу үшін «Байланыс бар» халықтық бақылау сервисі іске қосылады. 

«Бұл сервис негізінде кез келген пайдаланушы бір батырманы басу арқылы біздің дерекқорға ғаламтор жылдамдығы туралы ақпарат жібереді. Бұл өңірлердегі интернет жылдамдығы мен сапасы туралы түсінік қалыптастыруға мүмкіндік береді. 

Сәйкесінше осы деректердің нәтижесінде елдегі интернет сапасын бақылап отырмыз. Кейін біз арнайы құрылғыларымен қамтылған әлсіз сигналды түзету мен айыппұл салуға құқығы бар бақылаушыларды жібереміз. Бұл халықтың шағымдарына жауап беруге мүмкіндік береді», – деді министр. 

Құралай Құдайберген