Лейкемия диагнозына байланысты Сан-Рафаэль клиникасына жатқызылғанға дейін Италияның бұрынғы Премьер-Министрі Сильвио Берлускони әйелі мен балаларына қолжазба хат жазды, деп хабарлайды inbusiness.kz тілшісі РБК-ға сілтеме жасап.
Итальялық Corriere della Sera газетінің хабарлауынша, Берлускони бұл хатқа 2022 жылдың 22 қаңтарында қол қойған.
"Құрметті Марина, Пьер Сильвио, Барбара және Элеонора, мен Сан-Рафаэльге барамын. Егер мен қайтып келмесем, төмендегілерді ескеріңіздер", - делінген хабарламада.
"Менің мұрамнан бұл қайырымдылықты қабыл алыңыз:
- Паоло Берлускони: €100 млн;
- Марте Фашине: €100 млн;
- Марчелло дель Утри: €30 млн", — деп жазады газет хаттың мазмұны.
Паоло Берлускони – саясаткердің ағасы, Марте Фашине – оның әйелі, Берлускони негізін қалаған "Алға, Италия" партиясының депутаты, Марчелло дель Утри — Берлусконидің жақын досы, бұрынғы сенатор.
Сильвио Берлускони 2023 жылы 12 маусымында қайтыс болды, ол ауруханадан шыққаннан кейін үш аптадан кейін 9 маусымда тағы да ауруханаға түсті.
Оның мұрасы €4 млрд деп бағаланды. Қалған үлестерді оның балалары иеленеді.
