2020 жылдың қаңтар және ақпан айларында бөлшек саудадан түскен қаражат көлемі 1,5 трлн теңгеге жетті: 2019 жылғы көрсеткіштен 10,5%-ға артқан. Бұл туралы ranking.kz басылымы хабарлады.
Қаражаттың 482,8 млрд теңгесі немесе 31,4% азық-түлікке тиесілі.
Азық-түліктік емес тауарлар сатылымынан түскен қаржы көлемі 1,1 трлн теңгеге (68,6%) жетті.
Бөлшек сауда секторында табысқа әсіресе шағын кәсіпорындар кенелді: 1 трлн теңге немесе ақшаның 68,2%-ы. Ал орта кәсіпорындарындағы сауда көлемі 147,5 млрд теңге, ірі кәсіпорындардыкі 341 млрд теңге болды.
Осы екі айда Алматы қаласы бөлшек сауда көлемі бойынша көш бастады: 518,3 млрд теңге, бұл былтырғы көрсеткіштен 14,6%-ға көп. Ал Нұр-Сұлтан қаласында 162 млрд теңге, Қарағанды облысында 148,2 млрд теңге, Шығыс Қазақстан облысында 130,3 млрд теңге, Ақтөбе облысында 73,1 млрд теңге болды.
Табиғат Нұрболат
