DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 283,30 Brent 36,55
«Қара алтын» бағасы құбыла бастады

«Қара алтын» бағасы құбыла бастады

ЕО мен Ұлыбриятанияның Брексит бойынша ортақ келісімге келуі мұнай нарығына оң әсерін тигізетіні сөзсіз.  

17 Қазан 2019 18:23 426

«Қара алтын» бағасы құбыла бастады

Бұған америкалық мұнай институтының шикізат мөлшері көбейіп кетті деп жариялауы түрткі болды. Ресми дерекке сүйенсек, өңделмеген мұнай қоры 10 млн баррельге өскен. Сонымен қатар Бейжің мен Вашингтон арасындағы сауда соғысы жақын арада аяқталмайды деген күдік нарықты алаңдатып отыр.

Bloomberg агенттігінің дерегі бойынша, Лондондағы ICE Futures биржасында 2019 жылдың қарашасындағы жеткізіліммен Brent сұрыпты мұнай фьючерсі небәрі 36 центке қымбаттап, баррелі 59,10 доллар болды.

 Ал Лондон және Нью-Йорк биржаларында қазандағы жеткізіліммен, электрондық сауда барысында WTI маркалы жеңіл мұнай фьючерстері 16 центке көтеріліп, барреліне 52.97  долларды құрады.

Бірқатар сарапшының айтуынша, америкалық мұнай қорының өсімі 2017 жылдан бергі ең жоғарғы деңгейге жетіп отыр. АҚШ президенті Дональд Трамп Қытай америкалық ауыл шаруашылығы тауарларын сатып ала бастады деп мәлімдегенімен, тараптар тек келесі айда ғана кездесу өткізгеннен кейін ресми келісімге келеді.

Табиғат Нұрболат

inbusiness.kz-ті қараңыз, оқыңыз :

Әлемдік мұнай өндірісі төмендеп келеді

Осыған байланысты «қара алтын» бағасы өсті. 

03 Желтоқсан 2019 15:02 329

Әлемдік мұнай өндірісі төмендеп келеді

Осы аптада ОПЕК+ мүшелері кездесу өткізіп, мұнай өндірісіне қатысты шешім қабылдайды. Кей ақпарат құралдарының дерегіншще, олар шикізат өндірісінің көлемін 2020 жылдың жазына дейін қайтадан қысқартуы мүмкін. 

Bloomberg агенттігінің соңғы дерегі бойынша, Лондондағы ICE Futures биржасында 2019 жылдың қаңтарындағы жеткізіліммен Brent сұрыпты мұнай фьючерсі 0,3%-ға  көтеріліп, баррелі 61,12 доллар болды.  

Ал Лондон және Нью-Йорк биржаларында қаңтардағы жеткізіліммен, электрондық сауда барысында WTI маркалы жеңіл мұнай фьючерстері 22 центке қымбаттап, барреліне 56,18 долларды құрады.

Айта кету керек, мұнай бағасының тұрақты түрде көтерілуіне түрткі болып отырған триггерлердің қатарында өткен аптада америкалық мұнай қорының қысқаруы және АҚШ пен Қытай келіссөздерінің ілгерілеуі де бар.  

Табиғат Нұрболат

2030 жылға қарай мұнайға деген сұраныс артады

Халықаралық энергетика агенттігі сарапшылары осындай болжам жасап отыр. 

13 Қараша 2019 17:28 284

2030 жылға қарай мұнайға деген сұраныс артады

Мұнайға деген сұраныс 2030 жылы өзінің шарықтау шегіне жетіп, кейін бір деңгейде тұрақтайды.   

Егер былтырғы жылы қара алтынға деген сұраныс деңгейі тәулігіне 97 млн баррельді құраған болса, ал ал алдағы онжылдықта көрсеткіш 105,5 млн баррельге дейін өсуі мүмкін. Мұның бағаға әсер ететіні сөзсіз, яғни мұнай бағасы бір баррель үшін 60 доллардан 90 долларға дейін өседі.

Сарапшылар мұнайға деген сұраныс 2025 жылға дейін өсіп, кейін бірте-бірте басылады деп отыр. Осылайша, алдағы онжылдықта мұнай өндіру қысқарады. Мамандардың пікірінше, дәстүрлі энергия көздерін жаңартылатын энергиямен алматсыруға болады.

Тап қазіргі жағдайда мұнай бағасы үшінші күн қатарынан түсуде. Қазір WTI  маркалы шикізаттың бір баррелі 56,3 доллардан саудалануда. Ал Brent шамамен 61 доллар. Мұнай бағасының төмендеуіне Трамптың АҚШ пен Қытай арасындағы сауда келісіміне түсніктеме беруге бас тарту себеп болды.

Жаңалықтарға жазылу: