17 ақпан күні сағат 17:00 шамасында Ақой кентінен 15 шақырым қашықтықта Қарағанды қаласына келе жатқан 35 жастағы "Ауди-100" автокөлігінің жүргізушісі рөлге ие бола алмай қалған. Ол қарсы жолға шығып кетіп, "Мазда" автокөлігімен соқтығысқан, деп хабарлайды 24.kz.
Алдын ала болжам бойынша апат көктайғақ салдарынан болған. "Ауди-100" автокөлігінің төрт жолаушысы оқиға орынында көз жұмған, ал "Мазда" көлігінің жүргізушісі мен екі жолаушысы әртүрлі дене жарақатымен ауруханаға жеткізілді.
Бұл дерек бойынша Қазақстан Республикасы Қылмыстық Кодексінің 345-бабы 4-тармағы бойынша сотқа дейінгі тергеу амалдары басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
