Қарағанды облысында көмір тиелген 8 вагон жолдан шығып, 150 метр теміржол төсеміне зақым келді. Бұл туралы ТЖМ баспасөз қызметі хабарлады.
"2 қарашада сағат 06:00-де Қарағанды облысының Бұқар жырау ауданындағы Ботақара станциясы теміржол аралығының 27 шақырымында кірме жолдарында көмір тиелген 8 вагонның доңғалақ жұптары жолдан шықты, оның екеуі аударылды",– деп жазылған министрлік хабарламасында.
Оқиға салдарынан 150 метр теміржол төсеміне зақым келген.
"Оқиға пойыздардың қозғалысына әсер еткен жоқ. Зардап шеккендер жоқ. "Разрез "Кузнецкий" ЖШС қалпына келтіру жұмыстарын жүргізуде", – деп нақтылады ведомстводан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
