Қарағанды облысында екі жеңіл автокөлік соқтығысып, 6 адам көз жұмды, екеуі ауруханаға жеткізілген, деп хабарлайды облыстық ІІД баспасөз қызметіне сілтемемен Интерфакс-Қазақстан.
Қайғылы оқиға бүгін Бектау-ата ауылынан 10 шақырым қашықтықтағы "Қарағанды-Балқаш" автожолында орын алды. Алдын ала мәлімет бойынша, Lexus ES-300 көлігінің 30 жастағы жүргізушісі қарама-қарсы жолаққа шығып кетіп, Nissan Juke көлігіне соқтығысқан.
"Жол апатына кінәлі жүргізуші мен көлікте болған 3 жолаушы оқиға орнында көз жұмды. Сонымен қатар екінші көліктің жүргізушісі мен оның жанындағы адам қаза болды", - дейді ресми органнан.
Сондай-ақ Nissan Juke жеңіл көлігінде болған екі жолаушы ауруханаға жеткізілген.
Қазір орын алған оқиға бойынша сотқа дейінгі тергеу жүргізіліп жатыр.
