Еске салсақ, апат кезінде екі адам қаза тауып, автобустың жиырмадан астам жолаушысы әртүрлі дәрежедегі жарақаттар алған, деп хабарлайды inbusiness.kz сайтының тілшісі.
Осыған байланысты сот жүргізушіні 9 жылға бас бостандығынан айырған болатын. Осы жолы Қарағанды облыстық сотында 146-шы автобус жүргізушісінің апелляциялық шағымы қаралды. Нәтижесінде үкім өзгеріссіз қалды.
Қарағанды облыстық сотының апелляциялық алқасы 34 жастағы № 146 автобус жүргізушісінің шағымын қарады, оның кінәсінен екі адам қаза тауып, көптеген адамдар зардап шекті. Бұл қорқынышты апат 2022 жылдың 25 қарашасында "ДСК" көпірінде орын алған болатын. 146-шы автобустың жүргізушісі қарсы жолаққа шығып, № 41 автобуспен соқтығысқан. Апат орнында 41-маршруттың жүргізушісі қаза тапты. Кейін Мақажанов атындағы клиникада 19 жастағы студент қайтыс болған болатын. Екі автобустың тағы жиырма жолаушысы зардап шекті. 5 адам денсаулығына ауыр зиян келтірді және мүгедек болып қалды, 12 жолаушы денсаулығына орташа зиян, 8 адам жеңіл зиян алды. 2023 жылдың 29 қыркүйегінде № 146 автобус жүргізушісіне үкім жарияланды. Прокурор 7 жылға бас бостандығынан айыруды сұрады. Алайда, Қазыбек би аудандық сотының судьясы оған 7 жылға көлік құралдарын басқару құқығынан айыра отырып, колонияға 9 жылға тоғытты.
"Сотталғанның кінәсі сот зерттеген дәлелдемелердің жиынтығымен, атап айтқанда жәбірленушілердің, куәгерлердің айғақтарымен, оқиға орнын қарау хаттамасымен, оқиға орнынан түсірілген схемамен және бейнежазбамен, сараптамалардың қорытындыларымен расталды. Сот алқасы жасалған құқық бұзушылықтың сипаты мен қоғамдық қауіптілік дәрежесін, оның жеке басын ескере отырып, көрсетілген баптың санкциясы шегінде тағайындалған жазамен ҚК-нің 345-бабы, 4-бөлігі бойынша сотталушының іс-әрекетінің кінәсінің дәлелденгені және біліктілігінің дұрыстығы туралы соттың қорытындыларымен келісті", - деп хабарлады облыстық сотта.
