Мемлекет басшысы Қасым-Жомарт Тоқаев өзін үміткер ретінде қолдау жөніндегі халықтық коалиция форумында сөйлеген сөзінде Президенттің өкілеттігін 7 жылдық бір мерзіммен шектеуге тоқталды, деп жазады inbusiness.kz.
"Тағы бір бастама – Президенттің өкілеттігін 7 жылдық бір мерзіммен шектеу. Мен осы шешім туралы көп ойландым. Бір адамның ұзақ уақыт билікте болуы дұрыс емес деген тұжырымға келдім. Мемлекеттің тірегі – жалғыз Президент емес, бүкіл халық. Сондықтан ел басқаруға жаңа буын өкілдерінің келуі өте маңызды. Біз ұлт мүддесін қорғайтын және халыққа адал қызмет ететін азаматтарға жол ашуымыз керек", - деді ол.
Қасым-Жомарт Тоқаевтың айтуынша, нағыз мемлекетшіл, отаншыл, білікті тұлғалар жұртты жасампаз істерге жұмылдырып, елімізді өркендете алады.
