Мемлекет басшысы АҚШ президентінің Украинадағы ахуалды реттеуге бағытталған күш-жігеріне және ұсынған жоспарына қолдау білдірген, деп хабарлайды inbusiness.kz сайты.
Қасым-Жомарт Тоқаев сөзінше, тараптар аймақтық және халықаралық өзекті мәселелер бойынша пікір алмасып, екі елдің көптеген түйткілге қатысты ұстанымы ұқсас екенін растаған.
– Қазіргі күрделі геосаяси жағдайда АҚШ Президенті Дональд Трамптың Украинадағы ахуалды реттеуге бағытталған күш-жігерін және ұсынып жатқан жоспарын қолдаймын. Сондай-ақ Қазақстан Армения мен Әзербайжанның бейбітшілік жолындағы ортақ ұмтылысын толық қолдайды, – деді Президент.
Бұған дейін Қасым-Жомарт Тоқаев "Қазақ-армян қарым-қатынасы стратегиялық сипатқа ие болады" деген еді.
Ал оның алдында Президент қазақ жұрты армян халқын ерекше қадірлейтінін айтты.
