Елімізде 20-24 ақпан аралығында "Қауіпсіз жол" жедел алдын алу іс-шарасы өтті.
"Жол қозғалысы ережелерін бұзған 74 мыңнан астам адам әкімшілік жауапкершілікке тартылды. Оның ішінде қоғамдық көлік жүргізушілері жол берген 1,2 мыңнан астам жол қозғалысы ережелерін бұзу деректері анықталды. Автожолдардың 4 мың шақырымға жуық авариялық-қауіпті учаскелері зерттеліп, қосымша 644 жол белгісі орнатылды", - деді ол.
Спикердің сөзінше, жедел алдын алу іс-шарасы кезеңінде жол апаттарының басым бөлігі Алматы және Астана қалаларында тіркелген.
"Қайғылы жағдайға әкеп соқтырған жол апаттарының ең көп саны Ақтөбе және Алматы облыстарында болды",- деді Ақтоты Боранова.
Бұдан басқа 2 мыңнан астам көлік айыппұл тұрағына қойылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
