2016 жылдың соңында Ұлттық банктің алтын-валюта қорындағы бағалы металдар 254,7 тоннаны құрады, деп хабарлайды LS.
Дүниежүзілік алтын жөніндегі кеңестің (World Gold Council) есебіне сүйенсек, 2017 жылғы қаңтардың басында елдің халықаралық резервтер құрылымындағы алтынының үлесі 32,4%-ды құрайды. Қазақстан бағалы металдар көлемі бойынша 21-орында тұр.
Салыстырар болсақ: қаржы реттеушісінің қорында 2016 жылдың І тоқсанының қорытындысы бойынша 228,3 тонна, ал ІІІ тоқсанның қорытындысы бойынша 248,2 тонна бағалы металл болды.
2015 жылдың аяғында Ұлттық банкте 221,8 тонна алтын (27,1%-ы халықаралық резервтерден) болды. 2014 жылдың қорытындысы бойынша қаржылық қадағаушы органның қоржынында бағалы металдардың қоры 191,8 тонна болды. Ал 2013 жылдың соңында оның көлемі 143,7 тонна болған еді.
