Индустрия және инфрақұрылымдық даму вице-министрі Берік Қамалиевтің айтуынша, мұндай шектеуге коронавирус инфекциясының алдын алу шаралары себеп болған.
"Ведомствоаралық комиссияның шешімі бойынша 2020 жылғы 1 наурыздан бастап Нұр-Сұлтан – Сеул және Алматы – Сеул бағыттары бойынша тұрақты рейстердің саны аптасына 9-дан 3-ке дейін қысқарды", – деді Берік Қамалиев үкімет отырысында.
Вице-министрдің мәлімдеуінше, Mahan Air әуе акомпаниясының Алматы – Тегеран бағыты бойынша рейстері 1 наурыздан бастап тоқтатылған.
"5 наурыздан бастап Нұр-Сұлтан – Баку рейсі тоқтатылады. Алматы - Баку рейсін 5-тен 1 рейске дейін шектеледі. Ақтау-Баку рейсін 7-рейстен 1 рейске дейін, Нұр-Сұлтан-Токио әуе бағдарын 2-ден 1 рейске дейін қысқартамыз", – деді Берік Қамалиев.
Оның сөзінше, рейстердің тоқтатылуына байланысты барлық жолаушыларға 1 наурыздан бастап билеттерінің құны айыппұл санкциясынсыз толық көлемде қайтарылады.
Қанат Махамбет
