ҚР Президенті Қасым-Жомарт Тоқаев Иран билігінің әуе апатына байланысты өз кінәсін мойындауын маңызды шешім деп санайды. Бұл туралы бүгін Мемлекет басшысы өзінің Twitter-дегі парақшасында жазды.
"Иран билігінің бірқатар мемлекет азаматтарының өмірін қиған әуе апаты үшін өз кінәсін мойындауы – маңызды шешім болды. Бейбіт азаматтарды да құрбан қылатын шиеленісті бәсеңдету үшін, қалыптасып отырған жағдайда барлық тараптар ұстамдылық танытуы керек",– деп жазды Мемлекет басшысы.
Еске сала кетсек, 8 қаңтарда Тегераннан ұшып шыққан украиндық ұшақ апатқа ұшырап, 160 жолаушы көз жұмған еді. Кеше ғана Иран билігі оқиғаға кінәлі екендіктерін мойындады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
