Премьер-Министрдің орынбасары – Ұлттық экономика министрі Серік Жұманғарин ең төменгі жалақыны арттыру мәселесіне қатысты пікір білдірді, деп хабарлайды inbusiness.kz сайты.
"Әзірге бюджетте ең төменгі жалақы 85 мың теңге деп тұр. Біз оны көтерудің әртүрлі нұсқаларын қарастырып жатырмыз", – деді Серік Жұманғарин Құрылтайда өткен брифингте.
Оның айтуынша, бұл мәселе Президент әкімшілігі, Үкімет деңгейінде талқылануда.
"Меніңше, жақын арада оның нәтижесі белгілі болады", – деп түсіндірді вице-премьер.
Айта кету керек, бұған дейін Ұлттық экономика бірінші вице-министрі Азамат Әмриннің ең төменгі жалақы бойынша пікір білдіргенін жазғанбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
