Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев Мәжіліс кулуарында айтты, деп хабарлайды inbusiness.kz сайты.
Министрдің айтуынша, елімізде суперкомпьютерлер бойынша бірнеше жоба бар.
"Қазіргі таңда "Ұлттық ақпараттық технологиялар" компаниясының ішінде суперкомпьютер чиптері бар. Бірақ ол модельдің инференс процесін жасауға маманданған. Біз бүкіл мемлекеттік органдарды жасанды интеллект өнімдерін қалай шығаруға болатынын үйретіп жатырмыз. Осы процесс Қазақстандағы чиптер арқылы жасалып жатыр. Бірақ әлемдегі үлкен суперкомпьютердің бірін құру үшін келіссөз сатысынан өттік. Қажетті рұқсатты алдық", - деді Жаслан Мәдиев тілшілердің сауалына берген жауабында.
Ведомство басшысы АҚШ үкіметі Қазақстанға чиптерді шығаруға рұқсат бергенін нақтылады.
"Осындай рұқсат бар", - деді Цифрлық даму министрі.
Айта кету керек, осыған дейін елімізде суперкомпьютерлер іске қосылатынын жазған болатынбыз.
