Бұл туралы "Жауапкершілік – жолдағы қауіпсіздік кепілі!" тақырыбындағы брифингте ҚР Ішкі істер министрлігі Әкімшілік полиция комитетінің ерекше тапсырмалар жөніндегі аға инспекторы Ақтоты Боранова айтты.
"Биылғы жылдың 5 айында Алматы, Жамбыл, Жетісу, Ақтөбе, Атырау, Ақмола, Түркістан және Маңғыстау облыстары жолдарында өлім-жітімнің ең көп өсімі тіркелді. Қазақстан жолдарында күніне 10-нан аса адам көз жұмады. Жол-көлік оқиғаларының 48%-ы республикалық маңызы бар жолдарда орын алады", – деді ерекше тапсырмалар жөніндегі аға инспектор.
Бұл ретте ол кейбір қазақстандықтар жол жүру ережелеріне немқұрайлы қарайтынын айтты.
"Жыл басынан бері Қазақстанда 6 мың жүргізуші куәлігінен айырылды, соның ішінде мас күйінде көлік жүргізгені үшін. Жол қозғалысы ережесін бұзған 128 мың жаяу жүргінші әкімшілік жауапкершілікке тартылды", – деді спикер.
