Олардың арасында кәмелетке толмағандардың саны былтырғыға қарағанда 24%-ға көп, деп жазады inbusiness.kz energyprom.kz порталына сілтеме жасап.
Биылғы 4 айда елімізде 3,4 мың жол-көлік оқиғасы тіркелді. Бұл өткен жылмен салыстырғанда 11,3%-ға аз. Оның ішінде 404 оқиға (12,1%) өліммен аяқталды.
Жүргізушілердің кінәсінен 2,9 мың жол-көлік оқиғасы, жаяу жүргіншілердің – 81, жол қызметтері мен мердігерлердің кінәсінен 1 апат болды.
Өңірлік бөліністе жол апаттарының басым бөлігі Алматыда тіркелді: 957 жағдай. Антилидерлер қатарында Алматы (336 жағдай) және Жамбыл (305 жағдай) облыстары да бар.
Ең аз жол-көлік оқиғасы Ұлытау облысында: жыл басынан бері 13 жағдай. Одан кейінгі орындарда Солтүстік Қазақстан (64 жағдай) және Қарағанды (82 жағдай) облыстары орналасты.
Осы жылдың қаңтар–сәуір айларында ЖКО санының өсуі 2 өңірде ғана байқалды: Батыс Қазақстан (+19,7%) және Павлодар (+1,6%) облыстары.
Көрсетілген кезеңде жол-көлік оқиғасы салдарынан 4,8 мың адам зардап шекті. Бұл былтырғыға қарағанда 14,8%-ға аз.
Жол апаттарынан 522 адам қаза тапты. Бұл өткен жылмен салыстырғанда 7,3%-ға аз, оның ішінде 375 ер адам мен 147 әйел. Қаза тапқандардың арасында 52 кәмелетке толмағандар болды (өсім – 23,8%).
Республика бойынша ЖКО-дан ең көп зардап шеккендер Алматы (1,1 мың адам), Алматы (505 адам) және Жамбыл (501 адам) облыстарында болды.
