Ресейдің оқу орындарында білім алып жатқан қазақстандық студенттердің бұл елге бару мәселесі бір ай көлемінде шешілуі мүмкін. РФ Сыртқы істер министрі Сергей Лавров ҚР СІМ басшысы Мұхтар Тілеубердімен кездесу барысында осылай деді.
"Ресейде білім алып жатқан шетелдік студенттердің елге қашан келе алатыны жақын арада анықталады. Көршілес елдердегі студенттердің бірінші болып бізге келгенін қалаймыз. Бұған бір айдай уақыт керек. Бізде осы жайттарды қадағалайтын арнайы штаб құрылған", – деді ол.
Лавровтың айтуынша, қос ел арасындағы шекара эпидемиологиялық ахуалға байланысты ашылады.
ҚР СІМ басшысы Мұхтар Тілеуберді Шанхай ынтымақтастық ұйымының Сыртқы істер министрлерімен кездесу үшін арнайы Мәскеуге аттанған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
