Қазақстанға Ресей Қауіпсіздік Кеңесі төрағасының орынбасары Дмитрий Медведев келді, деп хабарлайды Atameken Business.
Ол екіжақты қарым-қатынастар, соның ішінде қауіпсіздік саласындағы ынтымақтастық мәселелерін талқылау үшін ел басшылығымен кездесулер өткізеді. Бұл туралы Ресей Қауіпсіздік Кеңесінің Хатшылығы хабарлады.
Атап айтқанда, бүгін Медведев Мемлекет Басшысы Қасым-Жомарт Тоқаевпен, Тұңғыш Президент Нұрсұлтан Назарбаевпен және Ұлттық Қауіпсіздік Комитетінің төрағасы Кәрім Мәсімовпен кездеседі деп жоспарлануда. Бұл Дмитрий Медведевтің жаңа лауазымдағы алғашқы шетелдік сапары. 15 қаңтарда Ресейдің экс-премьер-Министрі өзі басшылық еткен Үкіметпен бірге отставкаға кеткен болатын. Кейін, Владимир Путин Ресейде Қауіпсіздік Кеңесі төрағасының орынбасары қызметін енгізіп, оған Медведевті тағайындады.
