Қаңтар айының қорытындысы бойынша Қазақстанның таза халықаралық резервтері 69,5 млрд долларды құрап, бір айда 10,12% өскен, деп жазады inbusiness.kz сайты naryk.kz порталына сілтеме жасап.
Жалпы халықаралық резервтер (Ұлттық банктің міндеттемелерін қоса есептегенде) 9,43% өсіп, 71,5 млрд долларға жетті.
Оның ішінде:
- Еркін айырбасталатын валютадағы активтер қаңтарда 10,61% азайып, 16,2 млрд доллар болды;
- Монетарлық алтын керісінше 17,4% өсіп, 55,3 млрд долларға жетті. Бұған қаңтарда алтынның нарықтық бағасының 9,3% өсуі әсер етті.
Бір жыл ішінде – 2025 жылғы қаңтардан бері:
- Валюталық активтер 5,1 млрд долларға (-24%) қысқарды;
- Алтын қоры 29,4 млрд долларға (+114%) артты.
- Ұлттық қордың халықаралық активтері бір айда 1,22% өсіп, 64,6 млрд долларға жетті, ал бір жылда өсім 11% болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
